നത്തോലി(ഒരു ചെറു മീനാണ്) ഫ്രൈ..

ആവശ്യമായ സാധനങ്ങള്‍
1. നത്തോലി : 300 ഗ്രാം
2. വെളുത്തുള്ളി : അഞ്ചു അല്ലി
3. ഇഞ്ചി : ഒരു ചെറിയ കഷ്ണം
4. കുഞ്ഞുള്ളി : എട്ടു എണ്ണം
5. പെരും ജീരകം : കാല്‍ ടീസ്പൂണ്‍
6. കറിവേപ്പില : രണ്ടിതള്‍
7. മുളകുപൊടി : ഒന്നര ടീസ്പൂണ്‍
8. മഞ്ഞള്‍ പൊടി : അര ടീസ്പൂണ്‍
9. കുരുമുളകുപൊടി : ഒരു ടീസ്പൂണ്‍
10. ഉപ്പ് : പാകത്തിന്
11. കോണ്‍ ഫ്ലോര്‍ : ഒരു ടീസ്പൂണ്‍
12. വെളിച്ചെണ്ണ : മുക്കി പൊരിക്കാന്‍ വേണ്ടത്

തയ്യാറാക്കുന്ന വിധം
നത്തോലി വൃത്തിയാക്കിയതില്‍ രണ്ടുമുതല്‍ ആറു വരെയുള്ള ചേരുവകള്‍ ചതച്ചതും ബാക്കി ചേരുവകളും കട്ടിയില്‍ ക്രീം ആക്കി പുരട്ടി അരമണിക്കൂര്‍ വെക്കുക. അവിടെ ഇരിക്കട്ടെ...പോയി ഒരു സീരിയല്‍ കണ്ടു വന്നോളു....അര മണിക്കൂര്‍ കഴിഞ്ഞു ഒരു പാനില്‍ എണ്ണ ചൂടാക്കി ചെറുതീയില്‍ വറുത്തെടുക്കുക.

ചെറു ചൂടോടെ ചോറിനൊപ്പം വിളമ്പാം...